Saber Interactive, þekktir fyrir leiki eins og MudRunner og SnowRunner, vinna nú að þróun nýs hermileiks sem kallast RoadCraft. Í þessum leik stjórnar þú fyrirtæki sem sérhæfir sig í að endurbyggja innviði á svæðum sem hafa orðið fyrir náttúruhamförum. Verkefnin fela í sér að hreinsa brakið, skipta út skemmdum búnaði og endurbyggja vegi og brýr sem hafa orðið fyrir skemmdum vegna veðurs.
Leikurinn býður upp á yfir 40 mismunandi vinnuvélar, þar á meðal jarðýtur, krana, valtara og vörubíla. Þú getur valið að spila einn eða í samstarfi við allt að þrjá vini í co-op. Framkvæmdirnar fara fram á átta kortum, hvert um sig 4 ferkílómetrar að stærð, sem staðsett eru á mismunandi svæðum um allan heim. Með nýrri tækni Saber Interactive færðu að takast á við krefjandi verkefni þar sem jarðvegur og byggingarefni haga sér líkt og í raunveruleikanum.
Einnig er hægt að leggja nýja vegi og brýr til að auðvelda ferðalög um erfiðan jarðveg.
RoadCraft verður fáanlegur fyrir PS5, XS og PC þann 20. maí.
Fyrir þá sem vilja kynna sér leikinn betur er ítarleg grein á psfrettir.com.
