Skráning er nú hafin í íslensk rafíþróttamót RÍSÍ fyrir árið 2026 og markar það upphaf nýs keppnistímabils hjá Rafíþróttasamband Íslands. Sambandið er komið á fullt skrið og boðar mótahald í fimm af vinsælustu keppnisleikjum landsins.
Keppni verður haldin í Fortnite, Rocket League, Counter-Strike, Overwatch og Dota 2. Skráning í mótin fer fram á heimasíðu RÍSÍ þar sem nánari upplýsingar um fyrirkomulag, tímasetningar og þátttökuskilyrði má finna.
Þjálfaranámskeið RÍSÍ – 11. Janúar 2026
Að auki stendur RÍSÍ fyrir þjálfaranámskeiði 11. janúar 2026 og er skráning þar þegar hafin. Skráning á námskeiðið er í fullum gangi og kostar þátttaka 24.900 krónur. Námskeiðið fer fram í húsnæði að Stórhöfða 31 í Reykjavík og stendur frá klukkan 13 til 17.
Kennari námskeiðsins er Ólafur Hrafn Steinarsson sem er meðal reynslumestu rafíþróttaþjálfara landsins. Að loknu námskeiði ættu þátttakendur að vera vel undirbúnir til að sinna rafíþróttaþjálfun af fagmennsku og með heildstæða sýn á hlutverkið. Fjallað verður meðal annars um æfingahugtök, líkamlega hreyfingu, eðli rafíþrótta, hlutverk þjálfarans, samskipti við foreldra, hvað geri góðan þjálfara og hvernig best sé að byggja upp markvissa æfingu.
Með opnun skráningar í rafíþróttamót ársins 2026 og áherslu á fræðslu undirstrikar RÍSÍ metnað sinn þar sem keppni og fagmennska fara hönd í hönd.
