Sony Interactive Entertainment hefur höfðað mál gegn Tencent og dótturfyrirtæki þess, Polaris Quest, og sakar fyrirtækin um að nýr leikur þeirra, Light of Motiram, sé ólögmæt eftirlíking af Horizon-seríunni.
Í frétt á reuters.com kemur fram að í stefnu sem lögð var fram fyrir alríkisdómstól í Kaliforníu heldur Sony því fram að leikurinn brjóti gegn höfundarétti og vörumerkjum fyrirtækisins. Light of Motiram þykir bera augljós líkindi við Horizon Zero Dawn og Forbidden West.
Sony segir að Tencent hafi árið 2024 reynt að fá leyfi til að þróa Horizon-leik fyrir farsíma, en þegar því var hafnað hafi þau haldið áfram með eigin leik sem byggi á sömu hugmyndum. Nú krefst Sony þess að þróun og dreifing Light of Motiram verði stöðvuð tafarlaust, auk skaðabóta.
Tencent hefur ekki tjáð sig opinberlega um málið.
Mynd: Steam / Light of Motiram
