Rockstargames.com
Tölvuleikjafyrirtækið Rockstar Games hefur staðfest að væntanlegur ofurleikur þess, Grand Theft Auto VI, muni koma út þann 26. maí 2026. Þetta kom fram í opinberri tilkynningu frá fyrirtækinu í dag, þar sem aðdáendur voru jafnframt beðnir velvirðingar á því að leikurinn kæmi síðar út en margir höfðu vænst.
„Við vitum að þetta er seinna en þið bjuggust við, og biðjumst innilegrar afsökunar á því,“ segir í yfirlýsingu frá Rockstar. „Áhugi ykkar og tilhlökkunin sem leikurinn hefur vakið hefur verið okkur bæði heiður og hvati og við viljum þakka ykkur fyrir stuðninginn og þolinmæðina á meðan við klárum leikinn.“
Grand Theft Auto VI hefur verið beðið með mikilli eftirvæntingu víðs vegar um heiminn, enda um að ræða framhald einnar vinsælustu leikjaraðar sögunnar. Leikurinn hefur verið í þróun um langt skeið, og hefur Rockstar Games hingað til verið þögult um nákvæman útgáfudag – þar til nú.
Fyrirtækið leggur áherslu á að markmiðið með hverjum leik sem það gefur út sé að fara fram úr væntingum notenda, og að Grand Theft Auto VI verði engin undantekning frá því markmiði.
„Við vonum að þið skiljið að þessi viðbótartími er nauðsynlegur til að við getum skilað þeirri gæðum sem þið eigið skilið,“
segir í lok yfirlýsingarinnar.
Rockstar Games hefur ekki opinberað frekari upplýsingar um leikinn að sinni, en lofar að deila nýjum fréttum með aðdáendum á næstunni.
Sjá einnig: Grand Theft Auto V heldur áfram að heilla áhorfendur á Twitch árið 2024
Grand Theft Auto VI is now set to release on May 26, 2026. https://t.co/YgaIn1cYc8 pic.twitter.com/cyeK7GM6Ob
— Rockstar Games (@RockstarGames) May 2, 2025
