Tim Sweeney: Epic Games fjárfestir milljarð dollara í baráttunni gegn stórfyrirtækjum

Tim Sweeney, forstjóri Epic Games, hefur upplýst að fyrirtækið hafi fjárfest yfir 1 milljarð Bandaríkjadala í Epic Games Store (EGS) fram að þessu.  Þessi fjárfesting felur í sér þróun verslunarinnar og lögfræðileg átök við Apple og Google vegna stefnu þeirra um 30% þóknun og lokaðra kerfa fyrir appdreifingu á iOS og Android tækjum, að því er fram kemur í tilkynningu frá Epic Games.

Hann leggur áherslu á að fyrirtækið sé staðráðið í að halda áfram þessari baráttu og fjárfesta í framtíð fyrirtækisins, bæði sem leikjaframleiðandi og til að skapa betra tækifæri fyrir alla þróunaraðila.

Þrátt fyrir að hafa náð ákveðnum árangri, svo sem að koma EGS og Fortnite aftur á farsímatæki í Evrópu í gegnum reglur Digital Markets Act, hefur Epic Games einnig staðið frammi fyrir áskorunum, þar á meðal uppsögnum um 900 starfsmanna árið 2023 til að draga úr kostnaði.

Tim Sweeney, forstjóri Epic Games

Sweeney er þó bjartsýnn á framtíðina og telur að þessi fjárfesting sé nauðsynleg til að tryggja frelsi fyrirtækisins og annarra þróunaraðila á markaðnum. Hann telur að baráttan muni halda áfram út áratuginn og Epic Games sé fullkomlega skuldbundið til að halda áfram að fjárfesta til að ná árangri.

Myndir: epicgames.com