Átt þú gamalt og gott og/eða nýtt íslenskt myndband? | Láttu okkur þá vita

Eins og mörgum er kunnugt um þá var eSports.is með eitt stærsta downloadsvæði fyrir íslenska tölvuleikjaspilara þar sem hægt var að downloada allt sem tengdist tölvuleiki og myndbönd, en í byrjun árs 2012 var downloadsvæðið lagt niður. Eitt af því sem margir spilarar söknuðu sem mest, þ.e. miðað við þann fjölda tölvupósta frá notendum voru myndböndin sem að íslenskir tölvuleikjaspilarar gerðu sem sýndu snilldartakta hjá hundruðum spilurum.

Nú hefur eSports.is stofnað Youtube rás þar sem gömlum sem nýjum myndböndum verður uploadað inn á svo hægt yrði að hafa öll myndböndin á einum stað og verður hvert myndband vel merkt þeim sem eiga og gerðu myndböndin og vísað í þeirra youtube rásir ofl.

Í hvert skipti sem að myndband verður uploadað þá verður fjallað sérstaklega um það myndband sem kemur til með að birtast á forsíðu eSports.is.

Ef þú átt gamalt og gott íslenskt myndband og/eða ný myndbönd í hvaða tölvuleik sem er og vilt leyfa eSports.is njóta, þá vinsamlegast hafið samband hér.