Í gær fór fram annað mótið af fjórum í GameTíví deildinni í leiknum PUBG. Þar sýndu PNGR mikinn stöðugleika og tryggðu sér sigur með sterka frammistöðu á öllum kortunum. Keppt var á sex kortum, þar á meðal tvívegis á Miramar og Erangel, auk Taego og Rondo.
Stigataflan frá gærdeginum sýnir að PNGR fóru með sigurinn í mótinu, en liðin Omni, Hlandblettur og NcFc voru einnig í baráttunni um efstu sætin. Það sem gerir gærdaginn áhugaverðan er að stigagjöfin er margþætt. Lið þurfa ekki einungis að treysta á gott „placement“, heldur skipta drápin líka sköpum. PNGR tóku bæði stig í placement og kill points og sitja nú á toppi tímabundinnar mótsstöðu.
Samkvæmt reglum deildarinnar er ekki heimilt að breyta ökutækjum í leiknum nema að litum og útliti. Þetta á við um lúxus bílamódela á borð við Aston Martin og Lamborghini. Liðið Hot Drop fékk eitt refsistig fyrir að brjóta þessa reglu með óleyfilegar breytingar á ökutæki og þar með fór Team-Iceland upp um eitt sæti í stigatöflunni.
Skjámynd úr leiknum.
Heildarstaðan eftir tvö mót
Næstu skref í deildinni
Eftir tvö mót er ljóst að baráttan um toppsætin er afar jöfn. Hlandblettur heldur forystu með 270 stig, en Omni og PNGR sitja fast í hælunum. Með tvö mót eftir getur staðan enn gjörbreyst og verður spennandi að sjá hvort Hlandblettur nái að verja efsta sætið gegn áhlaupi PNGR og Omni.
Kill leaders eftir gærkvöldið
Í stigatöflunni má sjá að liðið PNGR hafði mestan skotkraft með alls 44 frags eftir sex leiki, sem tryggði þeim toppsætið í heildarstigum. NcFc fylgdi fast á eftir með 43 frags, en tapaði þó forystunni vegna færri placement-stiga. Þá sýndi Hlandblettur að stöðug frammistaða skiptir líka máli, með 42 frags sem héldu þeim í toppbaráttunni.
Horfðu á leikina í beinni útsendingu
Endurlifðu spennuna frá gærkvöldinu og horfðu á beinu útsendinguna í heild sinni hér að neðan.
