Þrátt fyrir langvarandi þögn og vangaveltur um örlög endurgerðar Prince of Persia: The Sands of Time hefur Ubisoft nú staðfest að þróun leiksins heldur áfram af fullum krafti.
Í stuttri færslu á opinberum samfélagsmiðlum Prince of Persia-seríunnar þann 16. júní kemur fram að þróunarteymið hjá Ubisoft Montréal sé „djúpt sokkið“ í vinnu við leikinn.
Yep, we’re still deep in the game — exploring, building, and ensuring the sands move with purpose. 🗡️⏳
This game is being crafted by a team that truly cares, and they’re pouring their hearts (and a lot of coffee) into every step.
Thank you for sticking with us. 💖 pic.twitter.com/9bKjZHjmur
— Prince of Persia™ (@princeofpersia) June 16, 2025
„Við erum að kanna, byggja og tryggja að sandurinn dansar í takt við sögu og tilgang,“
segir í færslunni, þar sem einnig er vísað til mikillar eljusemi og fjölda kaffibolla sem hafi runnið til verkefnisins.
Fjarlæg framtíð í sjónmáli
Endurgerðin var upphaflega kynnt til leiks árið 2020 með útgáfuáætlun snemma árs 2021. Fljótlega fór þó að bera á gagnrýni á gæði leiksins, og árið 2022 var þróuninni formlega komið í hendur Ubisoft Montréal. Þar ákvað nýtt teymi að hefja verkefnið upp á nýtt frá grunni.
Síðan þá hefur fátt heyrst af leiknum, og engar fréttir bárust um hann á nýafstaðinni kynningu Ubisoft á Summer Game Fest 2025. Langvarandi þögn af hálfu Ubisoft ýtti undir vangaveltur um að verkefninu hefði verið hætt, en nýjustu yfirlýsingar Ubisoft sönnuðu hið gagnstæða.
Staðfest útgáfuáætlun fyrir árið 2026
Samkvæmt tilkynningu Ubisoft er áætlað að leikurinn komi út fyrir lok mars 2026, sem þýðir að hann verður hluti af fjárlagaári fyrirtækisins 2025–2026. Þetta staðfestir að verkefnið er langt frá því að vera slegið af.
Leikurinn er þó enn án nákvæmrar útgáfudagssetningar, og að sögn talsmanna Ubisoft verður ekkert sýnt úr honum fyrr en þróun leiksins hefur náð því stigi að unnt er að sýna hann opinberlega.
Þróun Prince of Persia: The Sands of Time-remake hefur verið löng og viðburðarík. Upphaflega var leikurinn unninn af Ubisoft-stúdíóunum í Pune og Múmbæ á Indlandi. Gagnrýni á myndefni og tækni leiksins varð til þess að fyrirtækið færði verkefnið yfir til höfuðstöðvanna í Montréal – sama teymi og þróaði Prince of Persia-trílógíuna á sínum tíma.
Síðan þá hefur lítið verið sýnt, en orðalag Ubisoft nú bendir til þess að markmiðið sé að búa til metnaðarfulla og vandaða útgáfu sem standi undir væntingum aðdáenda.
Ubisoft virðist ætla sér að gera endurgerð Prince of Persia: The Sands of Time að verðugum arftaka upprunalega leiksins frá 2003. Þrátt fyrir seinkun og breytingar á þróunarteymi stendur fyrirtækið við verkefnið – og vonir standa til að aðdáendur fái loks að snúa aftur til sandanna fyrir lok ársins 2026.
Prince of Persia: The Sands of Time -remake mun koma út á PlayStation, Xbox og PC.
Myndir: x.com / Prince of Persia og skjáskot úr myndbandi
