Úrslit í rafíþróttaviðburði Íslands í Laugardalshöllinni

Síðastliðna helgi var haldin einn stærsti rafíþróttaviðburður Íslands sem fram fór í Laugardalshöllinni. Þar var keppt í leikjunum Fortnite, Counter-Strike: Global Offensive (CS:GO) og League of Legends (LoL) um titilinn Rafíþróttameistari Reykjavíkurleikanna.

Fyrst var haldin undankeppni helgina áður og úrslitin voru spiluð uppi á sviði í Laugardalshöllinni fyrir framan áhorfendur.

Liðið “Glanni Tæpur” fagnar sigri á League of Legends mótinu.
Liðið fer fyrir hönd Íslands að keppa á Dreamhack

Úrslit

• Í League of Legends var það “Glanni Tæpur” sem sigruðu og vann liðið sér inn keppnisrétt á “Nordic Championship” á Dreamhack í febrúar, en Dreamhack er stærsti LAN viðburður Evrópu.
• Hart var barist um fyrsta sætið í CS:GO og að endingu var það Hafið sem sigraði.
• Í Fortnite var liðið Twix sem sigraði með hvorki meira né minna en 4 Victory Royals!.
• Aukakeppni var haldin á sunnudeginum Fortnite-Stjörnustríðið með Donna Cruz, Herra Hnetusmjör, Gunnar Nelson og Steindi Jr. og síðast nefndi sigraði með glæsibrag.

Sigurvegarar í CS:GO mótinu “Hafið”

Strákarnir í TWIX sem sigraði Fortnite mótið

Fortnite Stjörnustríðið.
Steindi Jr. kom, sá og sigraði

Auk rafíþróttamótanna var nóg um að vera fyrir áhorfendur. Hægt var að prófa akstursherma og fræðast um hvernig má nota þá til að þjálfa akstursíþróttamenn framtíðarinnar. Fræðsla um rafíþróttir frá stjórnarmönnum RÍSÍ svo fátt eitt sé nefnt.

Áhorfendur fengu að prófa aksturshermir

Myndir: facebook / Rafíþróttasamtök Íslands