Mathieu „ZywOo“ Herbaut var á ný krýndur besti Counter-Strike leikmaður ársins þegar HLTV Awards fóru fram í gær. Þetta er í fjórða sinn á ferlinum sem Frakkinn hlýtur þessa virtu viðurkenningu og hann hafnaði í efsta sæti á undan donk, en ropz endaði í þriðja sæti.
Árið 2025 var einstaklega sterkt hjá ZywOo. Hann skilaði meðaltalseinkunninni 1,32, vann níu titla með Team Vitality og hlaut átta MVP verðlaun, þar á meðal á báðum Major mótum ársins. Enginn annar leikmaður náði að sameina jafn afgerandi einstaklingsframmistöðu og árangur liðsins á sama tíma.
Í öðru sæti var donk sem skilaði reyndar enn hærri einkunn, 1,42, en lið hans Team Spirit átti erfitt með að fylgja Vitality eftir í titlabaráttunni. Þrátt fyrir framúrskarandi spilamennsku skorti hinn 18 ára leikmann stóru bikarana til að rjúfa yfirburði ZywOo í efsta sætinu.
ropz átti einnig mjög gott ár eftir að hann gekk til liðs við Vitality og lagði sitt af mörkum til yfirburða liðsins á tímabilinu. Hann endaði í þriðja sæti listans, sama sæti og hann náði einnig árið 2023.
Með þessum titli, sem bætist við verðlaunin frá 2019, 2020 og 2023, styrkir ZywOo stöðu sína enn frekar sem einn af allra bestu leikmönnum í sögu Counter-Strike.
Mynd: hltv.org
