esports.is Íslenska leikjasamfélagið
Paul Rudd í hlutverki sínu í nýjustu auglýsingu Nintendo árið 2025 (til vinstri) og í upprunalegu Super Nintendo auglýsingunni frá 1991 (til hægri).
Samsett mynd: skjáskot úr myndböndum
Ný auglýsing Nintendo fyrir Switch 2 leikjatölvuna hefur vakið mikla athygli, ekki síst vegna endurkomu Paul Rudd, sem bregður aftur á leik í hlutverki sem hann túlkaði fyrst árið 1991 í auglýsingu fyrir Super Nintendo.
Auglýsingin fór í birtingu á YouTube þann 21. apríl og hefur vakið töluverða athygli, með yfir 1,2 milljón áhorfa til þessa. Í henni má sjá Rudd ásamt leikurunum Joe Lo Truglio og Jordan Carlos, sem taka þátt í leiknum og nýta sér GameChat til að spjalla á meðan þeir keppa. Rudd vísar í upprunalegu auglýsinguna með orðunum „now we’re playing together… super together!“
Nýjasta auglýsing Nintendo vekur athygli
Switch 2 leikjatölvan, sem kemur út þann 5. júní 2025, býður upp á ýmsa nýja eiginleika sem hægt er að lesa nánar með því að smella hér.
Paul Rudd hefur lýst yfir ánægju sinni með að taka þátt í þessari nýju auglýsingu og rifjar upp fyrstu skref sín í leiklistarferlinum.
„Það var virkilega skemmtilegt að endurlifa þessa auglýsingu og sjá hvernig hlutirnir hafa breyst á þessum árum,“
sagði Paul Rudd í viðtali við Game Informer.
Með þessari auglýsingu sýnir Nintendo hvernig fyrirtækið nýtir sér nostalgíu og nútímatækni til að kynna nýjustu leikjatölvuna sína og tengja saman kynslóðir leikjaspilara.
34 ár liðin frá fyrstu Nintendo auglýsingu Paul Rudd
Samsett mynd: skjáskot úr myndböndum
