PUBG Studios, höfundar hins heimsfræga leiks PlayerUnknown’s Battlegrounds (PUBG), hafa opinberlega kynnt nýjasta leikinn sinn, PUBG: Blindspot, sjá nánar á Steam hér.
Leikurinn, sem upphaflega var kynntur undir vinnuheitið „Project ARC“, er 5v5 skotleikur sem færir áhugaverðar nýjungar inn í PUBG-leikjasamfélagið.
PUBG: Blindspot er ólíkur hefðbundnu „battle royale“ fyrirkomulagi PUBG: Battlegrounds en heldur engu að síður tengslunum við PUBG. Leikurinn blandar saman hröðum bardögum og taktískri hugsun, sem er dæmigerð PUBG-spilun.
Vídeó
Frægu Twitch-streamararnir Kickstart, Drassel, Gunner (þjálfari Soniq PUBG-liðsins), Suppress og fleiri láta ljós sitt skína í PUBG: Blindspot í meðfylgjandi myndbandi hér að neðan:
Leikurinn gengur út á keppni á milli tveggja liða, þar sem annað liðið reynir að brjótast inn í svæði og afkóða dulkóðuðar upplýsingar, en hitt liðið varnar svæðinu og vinnur á því að koma í veg fyrir afkóðun.
Leikurinn býður upp á 10 einstaka karaktera, þar sem hver og einn hefur sinn eigin hæfileika og vopn. PUBG Studios hefur ekki tilkynnt útgáfudag, en leikurinn verður kynntur í test-útgáfu sem hluti af Steam Next Fest dagana 21. til 28. febrúar 2025 (sjá nánar hér). Kynningarútgáfan mun innihalda: 10 persónur með mismunandi hæfileikum og búnaði.
Myndir: Steam
