Esports World Cup 2025 er komin á fullt skrið og 6. vika lofar spennandi viðureignum í Teamfight Tactics, TEKKEN 8, Street Fighter 6, Rocket League og PUBG.
Nú er mótið hálfnað og á þessu stigi er keppnin gríðarlega hörð, en nokkrir leikmenn vekja sérstaka athygli. Hér eru sex sem líklegt er að muni setja svip sinn á mótið.
Michael “k3soju” Zhang – Team Vitality, Teamfight Tactics
Stærsti TFT-streymir heims snýr aftur á svið EWC eftir að hafa dottið út í undanúrslitum 2024 gegn Wolves Esports, sem síðar unnu titilinn. Hann tryggði sér sæti í ár með sigri í AMER Closed Qualifier. Eftir bann frá Riot Games sem útilokaði hann frá Cup 3 og svæðisbundnum keppnum tók hann sér þriggja mánaða hlé til að undirbúa sig. Í þessari viku gæti hann hefnt tapsins gegn Wolves og tryggt sér $150.000.
Arslan “Arslan Ash” Siddique – Twisted Minds, TEKKEN 8
Arslan mætir ferskur eftir sigur á EVO 2025 og er orðinn sexfaldur EVO-meistari, afrek sem aðeins fáir í rafíþróttasögunni hafa náð. Hann vakti heimsathygli með mögnuðu gengi á EVO Japan 2019 og heldur nú áfram að skrifa söguna. Með $1.000.000 í verðlaunasjóðnum ætlar hann sér að sanna sig á ný, sérstaklega gegn gömlum keppinaut, Knee.
Jae-Min “Knee” Bae – DRX, TEKKEN 8
Knee er talinn einn allra besti leikmaður TEKKEN frá upphafi. Hann byrjaði árið 1999 í litlum spilasal í Suður-Kóreu og hefur unnið fjóra EVO-titla. Hann er þekktur fyrir ótrúlega langan og farsælan feril og snýr nú aftur á svið EWC eftir að hafa unnið EVO Japan 2025.
Evan “M0nkey M00n” Rogez – Team Vitality, Rocket League
Einn af EWC-meisturum frá 2024, nú í liði Team Vitality. Liðið er í þriðja sæti í Club Championship og treystir á að M0nkey M00n tryggi sér 1.000 stig og fyrsta sætið, sem er metið á $400.000.
Tristan “Shrimzy” Nowicki – Team Falcons, PUBG: Battlegrounds
Fyrir tímabilið 2025 skipti Team Falcons alfarið um leikmannahóp og fékk til liðs við sig meistara Soniqs frá 2024. Shrimzy stefnir á að verða tvöfaldur EWC-meistari í röð. Sigur myndi tryggja liðinu $400.000 og 1.000 stig í átt að $7.000.000 aðalverðlaununum í Club Championship.
Michael “Riddles” Kim – Street Fighter 6, Last Chance Qualifier
Riddles keppir í fyrsta sinn á EWC, en er þekktur úr Super Smash Bros. Ultimate. Hann hefur lengi elskað bardagaleiki og gerði Street Fighter 6 að aðalgreininni sinni fyrr á þessu ári. Stærsti árangur hans 2025 er sigur á GOML 2025 í Toronto. Með Terry Bogard sem aðalpersónu leitast hann við að fullkomna leik sinn og tryggja sér sæti meðal þeirra bestu.
Á næstu dögum fara fram hundruð leikja á EWC 2025 sem hægt er að fylgjast með í beinni hér.
Samantekt frá esportsworldcup.com
Myndir: esportsworldcup.com
