esports.is Íslenska leikjasamfélagið
Nordic Competitive League (NCL) hefur markað sér stöðu sem leiðandi keppnisvettvangur fyrir Call of Duty í Norður-Evrópu. Með samstarfi við helstu rafíþróttasamtök í álfunni stefnir NCL á að efla norræna rafíþróttasenuna og veita leikmönnum tækifæri til alþjóðlegrar kynningar.
NCL hefur þróast úr sænskri Hardcore Search and Destroy (SnD) keppni yfir í fjölþjóðlega mótaröð sem tekur á móti liðum frá Danmörku, Finnlandi, Íslandi, Noregi og Svíþjóð.
Samtökin hafa þegar sannað sig sem öflugur aðili innan sænskra rafíþrótta og hyggjast nú færa sig yfir á stærri vettvang með fjölbreyttari keppnir í Warzone og Ranked Play/CDL.
„Við sjáum mikla möguleika í norrænni rafíþróttasenunni og viljum skapa sterka samkeppnisvettvang fyrir leikmenn á þessu svæði.
Við viljum tryggja að leikmenn hér hafi sömu tækifæri og þeir í stærri rafíþróttasvæðum Evrópu.“
Sagði Patrik Olsson, markaðs- og viðburðastjóri (MVH) hjá Nordic Competitive League í samtali við esports.is.
Stórmót í vændum
Fyrsta stórmótið undir merkjum NCL fer fram laugardaginn 1. mars kl. 20:00, þar sem keppendur fá tækifæri til að etja kappi í tveimur spennandi mótum:
- Warzone Trios Tournament – Best af þremur kortum. Skráning er þegar hafin.
- Call of Duty League (CDL) Single Elimination Tournament – Fyrsta af sjö mótum í mótaröðinni þar sem stig safnast upp og sigurliðið í lokin hlýtur verðlaun.
Leikmenn og lið sem hafa áhuga á að taka þátt geta skráð sig í mótin í gegnum eftirfarandi hlekki:
Skráning í Warzone Trios Tournament
Skráning í CDL Tournament
NCL stefnir á að byggja upp sterkt rafíþróttasamfélag í Norður-Evrópu og veita leikmönnum einstakt tækifæri til að sýna hæfileika sína á alþjóðavísu. Með vaxandi áhuga á rafíþróttum í Noregi, Svíþjóð, Danmörku, Finnlandi og á Íslandi er ljóst að framtíð norrænna rafíþrótta er björt.
Myndir: aðsendar
