Author: Chef-Jack

Pólska þróunarfyrirtækið 3R Games, sem vakti heimsathygli með Thief Simulator VR: Greenview Street, hefur nú sent frá sér Cave Crave – frumlegan og kraftmikinn sýndarveruleik þar sem notandinn fer í ógleymanlega hellakönnun. Leikurinn er nú fáanlegur á Meta Quest og kemur út á PlayStation VR2 þann 10. júlí. Leikurinn er gefinn út af Take IT Studio! og hefur þegar náð inn á lista yfir 50 söluhæstu titla á Meta Quest. Í leiknum er lögð rík áhersla á hreyfistýrða upplifun – þar sem líkamlegar athafnir eins og klifur, skrið og þrengsli eru hluti af upplifuninni – og býður hann upp á…

Leikjaverið Romero Games, sem stofnað var af hinum goðsagnakenndu hjónum John og Brendu Romero, hefur vísað á bug orðrómi um að starfsemin hafi verið lögð niður. „Fréttir um andlát okkar eru stórlega ýktar,“ segir í tilkynningu, með vísan til orðatiltækis eftir rithöfundinn Mark Twain. Í yfirlýsingu frá fyrirtækinu á Bluesky segir skýrt að það sé enn starfandi, þrátt fyrir erfiðar aðstæður og uppsagnir hluta starfsfólks. Bakgrunnur málsins: Fjármögnun dregin til baka Á síðustu vikum hafa borist fréttir af því að Romero Games hafi misst fjármagn frá fyrrverandi samstarfsaðila sínum, Microsoft.  Fyrirtækið hafði unnið að metnaðarfullum AAA-skotleik (e. first-person shooter), en…

VOID Interactive hefur svarað vangaveltum og rangfærslum sem komið hafa upp í kjölfar frétta um efnisbreytingar á Ready or Not, sem nýverið var gefinn út á PlayStation.  Psfrettir.com var fyrstur íslenskra fjölmiðla til að greina frá málinu. Í yfirlýsingu frá þróunarteyminu kemur fram að einungis hafi verið um að ræða örfáar, markvissar breytingar á PC-útgáfu leiksins. Þær voru gerðar til að tryggja stöðugleika og samræmast alþjóðlegum reglum um aldursmerkingar og dreifingarskilyrði, án þess að rýra andrúmsloft, inntak eða raunsæi leiksins. „Við viljum tryggja að samfélagið okkar fái skýra og heiðarlega mynd af því hvað hefur – og hefur ekki –…

Hinn danski leikjaframleiðandi BetaDwarf, þekktur fyrir vel heppnaða titla á borð við Forced og Minion Masters, hefur hlotið öfluga fjárfestingu frá japanska tölvuleikjarisanum Square Enix. Í tilkynningu kemur fram að fjárfestingin miðar að því að hraða þróun væntanlegs leiks fyrirtækisins, Vaultbreakers, sem kynntur var til sögunnar í janúar 2025 og hefur þegar vakið umtalsverða athygli í leikjaheiminum. Samhliða þessari fjárfestingu hefur BetaDwarf birt fyrsta myndband leiksins og opnað fyrir forspilun sem stendur yfir dagana 3.–9. júlí. Spilarar geta skráð sig til þátttöku í gegnum vaultbreakers.com eða með því að fylgjast með tilteknum útsendingum á Twitch þar sem boðið verður upp…

Counter-Strike senan hefur fengið aukna athygli síðustu misseri, einkum eftir að William “mezii” Merriman sigraði BLAST.tv Major-mótið í Austin. Nú hefur önnur CS2-frammistaða vakið heimsathygli – þó með gjörólíkum formerkjum. Á úrslitakeppni UKIC Season 7 Masters mótsins lék breska blandliðið The Dominion gegn 8Sins. Þar varð hinn 17 ára Richard “log1ks” Bohunský óvænt að aðalspilari mótsins eftir ótrúlega misheppnaða lotu á mappinu Nuke. Þar hófst sóknin frá “squeaky”-hurðinni með MAC‑10 vélbyssu í hönd – en í stað þess að tryggja liðinu yfirhöndina, drap log1ks tvo eigin liðsfélaga. Í kjölfarið hrundi sóknin, og endaði lotan með tapi, sem leiddi til 13–11…

Þrír fyrrverandi stjórnendur tölvuleikjaframleiðandans Ubisoft hafa verið fundnir sekir í frönskum dómstól fyrir að hafa stuðlað að og viðhaldið kerfisbundinni áreitni á vinnustaðnum. Þetta er í fyrsta sinn sem dómur fellur í slíku máli innan tölvuleikjaiðnaðarins í kjölfar #MeToo-hreyfingarinnar. Í frétt The Guardian kemur fram að dómurinn sé talinn marka tímamót í baráttunni gegn kynferðislegri og andlegri áreitni innan tölvuleikjaiðnaðarins. Dómsmálið, sem fór fram fyrir dómstólnum í Bobigny, suður af París, hefur vakið mikla athygli. Þrír stjórnendur sakfelldir – skilorðsdómar og fjársektir Thomas François, fyrrverandi varaforstjóri ritstjórnar Ubisoft, var fundinn sekur um bæði kynferðislega og andlega áreitni, auk tilraunar til…

Heimsþekkti tölvuleikurinn PUBG: BATTLEGROUNDS og kóreska ofurpoppsveitin aespa hafa opinberað metnaðarfullt samstarf sem sameinar K‑pop heimsins og bardagaleiksins í nýju verkefni sem nefnist „Dark Arts“. Verkefnið markar nýtt skref í sívaxandi tengslum leikjaiðnaðar og tónlistar, þar sem notendur fá að upplifa lag, stíl og nærveru aespa beint innan úr leiknum sjálfum. Nýtt lag og sjónræn upplifun Samstarfið snýst fyrst og fremst um lagið „Dark Arts“, sem verður gefið út 15. júlí 2025. Til að kynna lagið var stuttmynd frumsýnd, þar sem hlustendur fengu að heyra lagið „Whiplash“ og sjá meðlimi sveitarinnar ganga inn í heim PUBG í dökkum og framtíðarlegum…

Leikjaiðnaðurinn dregur andann djúpt eftir að Microsoft tilkynnti nýja bylgju uppsagna, sem nú þegar hefur leitt til lokunar stúdíóa, niðurfellingar stórra leikjaverkefna og gríðarlegrar óvissu um framtíð margra þróunarteyma. Microsoft hefur ráðist í enn eina umfangsmikla fækkun starfsfólks. Um er að ræða þúsundir uppsagna, þar af fjölda starfsmanna sem störfuðu innan Xbox deildarinnar og hinna ýmsu leikjaframleiðslueininga fyrirtækisins. Samkvæmt opinberum tölum hefur tæplega helmingur hinna nýjustu uppsagna bitnað beint á leikjaþróunarfólki. Leikir felldir niður og stúdíó lokað Meðal þeirra verkefna sem hafa orðið undir er endurvakningin á hinum margfræga hasarleik Perfect Dark, sem þróaður var af stúdíóinu The Initiative. Því…

Aniplex Inc., í samstarfi við Capcom og suður-kóreska leikjaframleiðandann JoyCity, kynnti á dögunum nýjan farsímaleik í hinum víðfræga Resident Evil-leikjaheimi. Leikurinn ber heitið Resident Evil: Survival Unit og verður hann í anda rauntíma-strategy leikja, ætlaður fyrir iOS- og Android-tæki. Verkefnið var kynnt formlega á Anime Expo 2025 í Los Angeles og hefur vakið mikla athygli meðal aðdáenda leikjaseríunnar. Ný nálgun á klassískt efni Ólíkt fyrri leikjum í Resident Evil-seríunni, sem gjarnan leggja áherslu á hrylling og einleikjasögur, verður Survival Unit rauntíma-strategy leikur þar sem leikmenn stýra hópi eftirlifenda í baráttu gegn hinum ódauðu. Spilarar þurfa að byggja upp bækistöðvar, safna…

Þrátt fyrir umfangsmiklar uppsagnir og niðurskurð hjá Microsoft Gaming hefur fyrirtækið staðfest að Phil Spencer, forstjóri Xbox og yfirmaður leikjasviðsins, sé hvergi á förum. Þetta kemur fram í yfirlýsingu frá talsmanni Xbox sem hafnar alfarið sögusögnum um brotthvarf Spencer úr stjórnendateymi fyrirtækisins. Meðal þeirra slúðursagna sem nú ganga á milli eru fullyrðingar frá @TheGhostofHope, sem hefur skapað sér nafn fyrir áreiðanlega leka tengda Call of Duty-leikjunum. EXCLUSIVE: Phil Spencer will be retiring from his role as CEO of Microsoft Gaming after the launch of the next generation Xbox. Phil Spencer is working closely with Sarah Bond and her team to…