esports.is Íslenska leikjasamfélagið
Í frétt frá Nörd Norðursins kemur fram að SEGA og Sports Interactive (SI Games) hafi ákveðið að hætta við útgáfu Football Manager 25, sem átti að koma út fyrir PC/Mac/Linux og helstu leikjatölvur. Þetta er í fyrsta sinn síðan 2004 sem serían sleppir heilu fótboltaári. Á þeim tíma var fyrirtækið að færa sig frá Championship Manager nafninu yfir í Football Manager eftir að samstarfi þeirra við útgefandann Eidos lauk.
Nörd Norðursins
Sports Interactive hafði lýst FM25 sem „stærstu tæknilegu og sjónrænu framfarirnar fyrir seríuna í heila kynslóð.“ Þrátt fyrir það hefur fyrirtækið átt í erfiðleikum með að færa leikinn yfir í Unity-leikjavélina, sérstaklega varðandi spilun og notendaviðmót.
Þrátt fyrir frestanir, síðast til mars 2025, hefur fyrirtækið nú ákveðið að beina allri athygli sinni að þróun Football Manager 26, sem er áætlað að komi út í nóvember 2025. Þeir sem forpöntuðu FM25 munu fá endurgreiðslu.
Mynd: footballmanager.com
