esports.is Íslenska leikjasamfélagið
Íslenska Overwatch landsliðið
Íslenska Overwatch landsliðið mun keppa í heimsmeistaramótinu í Los Angeles 31. október næstkomandi frá klukkan 16:00 til 23:59.
Ísland vann sér inn þátttökurétt í heimsmeistaramótinu eftir að landsliðið sigraði í Eurocup 2019.
Sjá einnig: Íslenska Overwatch landsliðið sigraði í Eurocup 2019
Hægt verður að fylgjast með landsliðinu í Bíó Paradís. Húsið opnar 16 og verða leikjum Íslands og annarra landa streymt á skjánum til miðnættis. Aðgangur er ókeypis!
Landsliðið er skipað sjö leikmönnum og er þetta í fyrsta sinn sem það fer út og keppir fyrir hönd Íslands. Liðið hefur náð frábærum árangri en á dögunum sigraði það Evrópumótið í Overwatch þar sem úrslitaviðureign var gegn frændum okkar Dönum. Í fyrra voru yfir 100 þúsund áhorfendur á úrslitaleik heimsmeistaramótsins og er búist við enn meiri fjölda í ár!
Liðsmenn eru:
Arnaldur Ingi Stefánsson (Futhark)- Finnbjörn Jónasson (Finnsi)
- Hafþór Hákonarson (Hafficool)
- Hilmar Þór Heiðarsson (SteelDragons)
- Kristófer Númi Valgeirsson (Númi)
- Sindri Már Gunnarsson (Sindri)
- Snorri Hafsteinsson (SnorrLaxZ)
Í kringum liðsmenn er stuðnings- og þjálfarateymi en þau eru:
- Framkvæmdarstjóri: Vigfús Ólafsson (Fúsi)
- Þjálfari: Óskar Ingólfsson (ELMaestro)
- Aðstoðarþjálfari: Ingi Þór Aðalsteinsson (cmd)
- Stjórn samfélagsmiðla: Þorgerður Erla Andrésdóttir (MaysileeFox)
- Klippari & myndatökumaður: Jónatan Leó Þráinsson (Blitzet)
Mynd: facebook / Team Iceland Overwatch
