esports.is Íslenska leikjasamfélagið
Starborne Frontiers
Starborne Frontiers, tölvuleikur íslenska tölvuleikjaframleiðandans Solid Clouds er á leiðinni á Steam leikjaveituna. Áhugasamir geta sett Starborne: Frontiers á óskalista (e. wishlist) en leikurinn verður aðgengilegur fyrir notendur á veitunni í byrjun október.
Fyrir þá sem þekkja ekki Steam, þá er Steam stærsta PC tölvuleikjaveita heims, með einn milljarð flettinga á dag og 132 milljónir virkra mánaðarlegra spilara.
Að vera á Steam opnar nýjar dyr fyrir Starborne: Frontiers, og tryggir að leikurinn verður í boði fyrir breiðari hóp spilara sem eru ekki að spila í snjalltækjum. Þetta þýðir að Starborne: Frontiers verður aðgengilegur á bæði PC og í snjalltækjum.
Sjá einnig: Solid Clouds forsýnir nýjasta leik sinn, Starborne Frontiers
Solid Clouds er að undirbúa þýðingu á Starborne Frontiers á nokkur tungumál, þar á meðal kínversku og er stefnt að því að dreifa leiknum til kínverskra notenda um næstu áramót í gegnum Steam leikjaveituna. Kínverski leikjamarkaðurinn er með um fjórðung af sölu tölvuleikja í heiminum.
Stefán Gunnarsson, forstjóri Solid Clouds
“Við erum spennt að gefa Starborne: Frontiers út á Steam efnisveitunni sem opnar okkur leið inn á stór ný markaðssvæði. Við hvetjum alla núverandi og nýja spilara til að bæta Starborne: Frontiers á óskalista sinn á Steam hér.
Með því að bæta leiknum á óskalista hjálpar þú til við að auka sýnileika hans, svo að fleiri spilarar um allan heim geti uppgötvað leikinn,”
segir Stefán Gunnarsson, forstjóri Solid Clouds.
Svæði Starborne Frontiers á Steam leikjaveitunni verður hægt að nálgast hér.
Myndir: solidclouds.com
