esports.is Íslenska leikjasamfélagið
PUBG-mótið sem fram fór sunnudaginn 1. júní var ótrúlega spennandi frá fyrstu byssukúlu til síðastu grenu. Mótið, sem markaði síðasta formlega viðburðinn í íslenska PUBG-samfélaginu fyrir sumarið, vakti mikla athygli og tóku 15 lið þátt af þeim 18 sem voru á upphaflegri skráningu.
Margir höfðu orð á því að það væri miður að mótið væri komið inn á sumarið, þegar keppendur voru farnir að leggja áherslu á sumarfrí og önnur verkefni en að taka þátt í tölvuleikjakeppnum, sem varð til þess að ekki náðist að fylla mótið af liðum.
OMNI sigraði með nýju blóði
Það var lið OMNI sem stóð uppi sem sigurvegari, eftir magnaðan leik þar sem nýliði þeirra, Demantur, lék lykilhlutverk. Demantur er talinn einn af allra bestu PUBG-spilurum landsins um þessar mundir og sýndi það svo sannarlega á mótinu.
Næst á eftir OMNI kom NLG – RED í öðru sæti, en NLG – BLUE tryggði sér þriðja sætið. Baráttan um efstu sætin var hörð og spennan hélt sér allt til loka.
Heildarstigin
Sumarfrí og spennandi verkefni í haust
Með þessu móti eru keppnir íslenska PUBG-samfélagsins komnar í sumarfrí. En þegar haustar verður líf og fjör á ný. Fyrsta upphitunarmótið eftir sumarfríið verður haldið þann 17. ágúst kl. 20:00. Um er að ræða æfingarkeppni sem er öllum opin og gjaldfrjáls – tilvalið til að skerpa á leikforminu fyrir veturinn.
Deildarkeppni Gametíví – Bein útsending
Í lok ágúst hefst svo deildarkeppni Gametíví sem fer fram á þriggja vikna fresti. Mótin verða í beinni útsendingu á Twitch-rás Gametíví. Keppniskvöldin hefjast öll kl. 20:00 og sex leikir verða spilaðir í hvert sinn.
Sunnudagur 31. ágúst
Sunnudagur 21. september
Sunnudagur 12. október
Sunnudagur 2. nóvember
Lokaviðureign deildarinnar fer fram þann 2. nóvember og verður deildarmeistari þá krýndur. Sextán efstu liðin tryggja sér um leið sæti á sjálfu Íslandsmótinu sem fram fer í desember.
Íslandsmótið í desember
Íslandsmótið sjálft fer fram á tveimur kvöldum í desember. Þá verða leiknir sex leikir hvort kvöld og allar viðureignir verða sýndar í beinni útsendingu á Twitch-rás Gametíví.
Laugardagur 6. desember
Sunnudagur 7. desember
Enn er unnið að útfærslu mótanna og verða frekari upplýsingar um skráningu og skipulag kynntar þegar nær dregur.
Áhuginn er mikill og allt stefnir í frábært PUBG-tímabil í vetur þegar nýir og gamlir keppendur etja kappi á skjánum.
