Tuddinn umferð 1 úrvalsdeild – Turbo talar!

Ég ætla mér að spá fyrir alla leiki í úrvalsdeild Tuddans Vordeild 2017 en var örlítið seinn núna og hafa tveir leikir klárast af fjórum. Verði ykkur að góðu og vonandi verð ég á réttum tíma með Turbo talar fyrir næstu viku.

Dux Bellorum vs Rónar Reykjavíkur

Þessi leikur er búin og endaði hann 16-13 fyrir nýliðunum í Rónar Reykjavíkur, gríðarlega góð byrjun hjá þeim. Kortið sem var spilað var de_cache sem er sterkt kort hjá Dux Bellorum þannig þetta kemur svolítið á óvart. Verður spennandi að sjá Rónar Reykjavíkur spila og ekki spurning að Dux Bellorum strákarnir koma óðir í næsta leik á móti Paria. Ég hefði líklega spáð Dux Bellorum sigri í þessari viðureign.

seven.Tölvutek vs Paria

Mjög spennandi leikur sem fer fram sunnudaginn 5.mars klukkan 19:00. Hér eru ríkjandi Tudda meistarar í Seven að fara spila á móti liði sem hefur þó nokkuð oft breytt um lineup, þrátt fyrir það eru þeir engir aukvisar. Ég býst við því að bæði lið vilja spila cache, mirage eða jafnvel train. Seven eru með gríðarlega sterkan hóp þar sem Tight og clvR munu líklega sjá um að stríða leikmönnum Paria, ásamt mestu reynslu og leikskilning sem íslenskt lið hefur uppá að bjóða. Hinsvegar er Paria með gríðarlega skemmtilegan hóp miNideGreez gríðarlega góður AWP spilari og EddezeNNN ungstirnið úr Grafarholti, þeir ættu að fara fyrir sínu liði. Ásamt reynslu sem INSTANT og byythewayy hafa uppá að bjóða. Ég spái Seven sigri en þetta verður alls ekki auðveldur leikur fyrir þá.

16 – 11 fyrir Seven.

Exile vs CAZ esports

Þessum leik er lokið og endaði hann 9-16 fyrir CAZ eSports. Kortið sem var spilað var de_mirage. Exile eru með nýtt og skemmtilegt lineup og verður gaman að fylgjast með þeim í náinni framtíð. Mátti búast við því að CAZ eSports áður Warmonkeys mundu sigra þennan leik frekar auðveldlega. CAZ eru eina “semipro” liðið á Íslandi og býst ég við að þeir ná mjög langt í Tuddanum… ef þeir taka ekki of mörg timeouts ^_^.

 

iDontEven vs VECA.Tek

Að lokum nýliðarnir í iDontEven á móti VECA. Það sem ég veit um VECA akkúrat núna er að þeir spila mjög lítið og þegar þeir spila þá spila þeir nánast aldrei saman sem lineup oftast með pugs. Aftur á móti er alleh mættur aftur í VECA sem er gríðarlegur styrkur fyrir þá en eins og flestir vita er auddzh fluttur til Hollands vegna náms sem þýðir að VECA hefur misst sinn ingame leader og verður fróðlegt hver mun sjáum að stýra VECA í Tuddanum. iDontEven eru með ungt og upprennandi liðsmenn sem hafa ekki alveg verið í sviðsljósinu en engu að síður eru þetta strákar sem flestir kannast við og hafa verið í samfélaginu í langan tíma. Þeirra tími er greinilega kominn þar sem þeir t.d unnu VYE í að komast uppí úrvalsdeild. Ég segi að VECA menn sigra þennan leik þrátt fyrir lítinn spila tíma á nánast öllu liðinu.

16-10 fyrir VECA.